تیل و ادبیّات
علمی،ادبی،تیلشناسلیک،حکایه،قصّه،درامه،رمان
 

                                                        

                                                        یتیم باله

                                 (فیسبوک اجتماغی ترماغیدن تاثرله نیب یازیلدی)

                                                             حکایه

شهرگه کیره بیریشده موترلرنینگ قتناوی سیکنله شیب، تیقن وضعیت یوزه گه کیلدی. اؤنقیر-چؤنقیر یؤللردن چنگ کؤتریلیب، هوانی آبدان افلاسله ماقده. پیاده لر ایسه، اؤزلرینی یؤلککه آلیب، دوکانلردن بیر نرسه لرنی ساتیب آلی دیب، شاشیلماقده لر. هول- قوروق میوه؛ آیاققه إیلیشگه شیـپّک، لیلامی باب کیئیم- کیچکلرآرتیلگن عرابه لرنی سودره ب باره یاتگنلرنینگ بازاری قیزیق. چادره آستیدن آق بیلکلرگه بیلک اوزویک ساله یاتگن خاتین- قیزلرنی کرگن أیگیتلر حرصی قؤزغه لیب، گپ آتگه نی- آتگن، تیگه چاغلیق قیلیش بیلن آواره... قطار کیتگن مغازه لر روپره سیده گی میدانچه ده بیر کفشناس بابا یؤلاوچیلرنینگ کفتینی اؤقیماقده ایدی. اوروشلرده آته- آنه سیدن اجره لیب، اؤنگ آیاغینی قؤلدن بیرگن بیر باله کی، قؤلتیق تیاغیگه سوینگنچه اؤتگن- قئتگنگه یوزله نیب تیلمچیلیک قیله یاتگندی. باله نینگ یاشی سکـّـیزده چمه سی. دؤنه لاق یوزلی، بیر مترگه یتر- یتمس بؤیی بار. باشیده تورقی کیتیب قنغسیگن راق دوپپی؛ ایگنیده یغیری چیققن گوپی چه؛ ساغ آیاغیده لونجی أیرتیق که لیش؛ إیشتانی نینگ بیر پایچه سینی شمال اوچریب توره ر، اینسه سی قاتیب؛ نا علاج بیر قیافه ده بایه گی کفاشناس چال آلدیگه کیلیب: - بیرررر کفتیمگه قره ب با قاقینگ قنی بابا جان، نیمه لرنی کؤره سیز؟ لیکین، ائتیب قؤیه ی قؤلیمده پولیم یؤق. خدا یؤلیده شوگینه کفتیمگه قره ب بیرینگ التماس باباجان، دیب یالبردی تیلمچی باله کی. - اؤزی کؤرینیب توریبتدی-کو، احوالینگ، ینه نیمه نگی بیلماقچی سین باله، دیب دؤنغیلله دی کفشناس چال آغیزیده گی ناسینی دیوارگه چوفیلله تیب تف آترکن. - آنه امگه راکت تیگیب اؤلدی. مین یتیم من باباجان. آته ام عسکرچیلیککه کیتگندی. بیر أیلدن بیری دره گی یؤق. شونی بیلماقیچمن-ده،- دیه کؤیلگی نینگ اؤنگیری بیلن جودره ب تورگن کؤز یاشلرینی اریتیب آلدی،- اگه شونی ائتیب بیرسه یز سیزگه کیچ پئیتی بیتته نان آب کیلیب بیره من. - آوو باله! الده مه گین تغین. باردی، فالینگنی آچیریب، چققانلیک قیلیب، جفتکنی راستله سنگ، إیشیم نینگ بره که اوچه دی. جنلریم هورکیب یانیمگه کیمی قاله دی. سین بونی یخشی بیلیب آل. - إیشانه بیرینگ باباجان، مین نایزنی تویه قیله یاتگنلردن ایمسمن. اؤله ی اگر یالغان ائتسم،- ینه قؤلینی اوزه تدی باله کی یلینه توریب،- یتیم باله بؤلسم هم همتیم اولوغ خوشمی؟! - میلی بؤلمه سه یم، بیر قؤلینگنی، دیدی چال. - منه کفتیم باباجان! کفشناس چال باله نینگ کفتی اوزره اوزینه سیگه کیتگن چیزیقلر اوزره برماغی نینگ اوچینی یوگیرتیره باشله دی. فالنی چمه سی شونده ی ائتگن بؤلدی: - نصیه فال کؤپ هم اؤنگ کیله بیرمه یدی. جنلریم کیلمی قالسه طالیعنگدن کؤر باله...آته نگ عسکر چیلیکّه کیتگن بؤلسه یا کیله دی، یا کیلمه یدی. اؤزی تیریک، انه نگنی کؤپ اؤیله یدی، بیراوگه یرگه چیقمه گن بؤلسین تغین دیب. تیلمچیلیکدن پول تاپسنگ، فالچی باباینگنی یؤقله یسن. مین قؤلینگده شونلرنی اؤقیماقده من. مینگه اخلاص قیلسنگ برکه تاپه سن. بار کیته بیر باله! - دیه ایلکه سیگه اوزون تسبیح بیلن بیر إیککی توشوردی. - ای بو، آناه امگه راکت تیگیب اؤلدی-کو بابا! - اؤگه ی آنه نگ بارمی، اؤشه نی ائته من-ده. - اؤگی آنه ام یؤق. آته ام کمبغل، بؤلگن قؤش خاتیننی قی دن آلسین؟! - آته نگ کؤنگلیده "بیتته قـَرچیغی دیک قیز آله من، - دیب یوره ردی، انه اؤشه نی ائته من-ده، ساده باله. - بار ایندی کیته بیر، بؤلمسه جنلریم چه لیب کیته دی سینی. تیلی قیسیق بو یتیم باله گپنی چؤزمسدن کفشناسگه " رحمت"- دیه تیلمچیلیک قیله بیردی. *** باله شوندن کیئین بیر آیاغی کیسیک باله یؤلاوچیلردن: " چقه پولیز بؤلسه بیرینگ خدا یؤلیگه"- دیگچ، قؤلتیق تیاغیگه سوینیب آلدینگه تیبره نه باشله دی. قنچه قیلیب قؤللرینی اؤنگ- سؤلگه چؤزمه سین، کؤزگه إیلینرلی قاره پول توشمه دی. باله بوکیچ یئیشگه ارزیگولیک پول تاپمه گه نیدن راسه اؤکسیندی. قؤللرینی پیشانه سیگه توتیب، یوم-یوم دیغله دی. شونگه قره می، غمگین بیر احوالده یؤلیده دوام ایته بیردی باله. عین پئت بیر چقیریمچه لیک نریدن آلتی- یتتی یاشلی قیزچه، تیلمچی باله گه قره ب کیله بیردی. گدای باله ایسه، کیله یاتگن قیزنی هلی کؤرمه ی توریبتدی. باله کی: - بیرینگ خیر وصدقه،- دیب تیوره ک اطرافگه جیلمه یب قؤل اوزه ته یاتگندی. شو زمان قؤللریده قؤغیرچاق کؤترگن چقـّانگینه قیزه لاق بایه گی تیلمچی باله گه یقنلشدی. باله ایسه " یتیم من، خدا یؤلیده یاردم قیلینگ"- دیب تورگن ایدی یمکه، قیزچه شاشه - پیشه قؤلیده گی قؤغیرچاغی نینگ اؤنگ آیاغینی سوغیریب آلیب، یتیم باله نینگ کفیگه توتقزدی-ده، آرقه سیگه قره ب، قره ب کیتیب قالدی... یتیم باله سیوینگه نیدن ذوقله نیبف توتقه زیلگن قؤغیرچاق ایاغینی اؤپیب کؤزیگه سورگنچه أیغلب یوباردی.

کانادا-تورنتو

12/10/14

 

ارسال در تاريخ 2014/10/12 توسط ایشانج

 

 

Go'rlikka Sho'rlik

Hikoya

غؤرلیکّـه شورلیک

                                                    حکایه

بابا قویاش اؤزی نینگ زرین ساچیدن اوزیلیب آرتده قالگن سؤنگگی آلتین رنگ تاله لرینی یردن أیغیب آلماقده ایدی. ماوی آسمان تیپ- تینیقلیگیدن کؤککه قره سه، خوددی کؤزگوگه باققـندیک آدم نینگ یوزی کؤرینه یاتگن هوا بؤلدی. کوندوزی إیلیق؛ تونلری ایسه کؤیلکچن کوچه گه چیقیشگه ساووق سیره سن کیشی. تیوره ک-اطراف هلی تؤله، سریق یاپینیب خزان توسینی آلمه گن. ایندی، درختلردن بیته- یریمته کوزنینگ زرحل بؤیاغیگه چه یلگن برگلری یرگه توشه باشله گندی. کوزنینگ  مه ئین شمالی دماققه اوریلیب، کیشینی مونگلی اؤیگه تالدیره یاتگن چاغلر حکمران. کؤچه لر ایسه همان بؤم -بؤش.

مینگ بیر خیال إیله کتته یؤلدن اؤته یاتسم، " آوو باله ! بو یاققه کیل سینده گپیم بار"- دیگن چقیریق قولاغیم آستیده جرنگله گنده ی بؤلدی. چله ایشتگنیم اوچونمی، تیسه ریلیب آرقه امگه قره مه دیم. یؤلیمده دوام ایته بیردیم. بوگل بلندراق تاووشده بایه گی سؤزلر تکرار ایشیتیلدی. سؤنگ آرقیمگه اؤگریلیب، سیس چیققن جایگه تیکیلدیم. بیر کیکسه کیشیگه کؤزیم توشیب قالدی. آقر سووو بؤئیده اؤتیرگن بو آدم نورانی، آقسالگینه کیشی ایکن. منگله یگه اجین یوگورگن. ایتی سویه گیگه یاپیشگن؛ سؤلیگن برماقلرینی ایه گیگه توتیب تورگن بیر قیافه ده. إیچکریگه باتیب کیتگن کؤزلری کؤزلیک آرتیدن معنادار کؤرینه یندی. یخشیلب قره سم یاشی 70نی اوریب قؤیگن-چال. اؤنگ قؤلیده قنده ی دیر بیر کتاب اوشلب آلگن. کتاب نینگ قاق اؤرته سیگه باش برماغینی سالگنچه، بیر نرسه لرنی ائته ین مینگه، ائته ی، دیب چاغلنماقده. یقین باریب حال-احوال سؤره شدیم. کیئین او کیشیگه یوزله نیب:

- گپیرینگ باباجان، إیچینگیزده برار دردینگیز بارگه اؤخشه یدی. سؤزلرینگیز حکمت-او، اؤگیتلرگه بای دانشمند کیشیگه اؤخشه یسیز.

- یانیمگه اؤتیر اؤغلیم،- راسا سؤزلریگه قریلیکـّه خاص تاووش تیتراغی قؤشیلدی،- آدمنینگ دردینی آدم آله دی. شو بو گون کؤرگن واقعه امنی سؤزلب بیره یئنمی سینگه باله ام؟ یاکه، بیرار یاققه شاشیلمه یپسنیمی اولیم؟-دیدی باسینقیراق.

- یؤق باباجان، هیچ قه یاققه شاشیله یاتگنیم یؤق. مین سؤزلرینگیزنی جان قولاغی بیلن ایشیتیش گه تیارمن، سؤزله نگ.

- بوگون توشدن سؤنگ دنیاده نیمه خبر؟- دیه بیر فیسبوکّه باش اورگندیم. بو یرده شونچه بیر- بیریگه قره مه- قرشی فکرلر یازیلکن که، اولرنی اؤقیب یاقه اوشله یسن کیشی.

- هه، تؤغری سؤزله یسیز آته. اویرده یازیله یاتگن، کؤریشگه قؤئیله یاتگن نرسه لر ادمنینگ عقلینی شاشیریب قؤیه دی. شولرنی مشاهده قیلرکنمن، انسان نینگ کیملیگینی بیلماقچی بؤلسنگ فیسبوکّه کیر،- دیگیم کیله دی. بیلمه گن اینمیز، انسانیت تاریخی إیرینگ- زردابدن عبارت ایکن -آوو. بو کهنه تاریخ مینگ - مینگ أیلدن بیری قنده ی قاره کونلرنی باشدن کیچیرمه گن، دیئسیز. همّه سی یاپیقلیگیچه قالیب کیله یاتگن ایکن! علم-فن، تیکنالوژی عصریده ایندی، اولرنینگ اوستیدن پرده آلیب تشلنماقده. انه بولرنی کؤریب تاریخ تیلگه کیردی، دیسه هم بؤله بیره دی. بو نرسه لرنی کؤرگچ، آدملرنینگ کؤزی آچیلیب، بیر یاقدن دیده سی قاتماقده. دنیانی یاووزلیک یوتیب بارماقده.

- اؤقیله یاتگنلری بیر سری؛ اناووی کؤریله یاتگنلرینی ائیتمه سنمی باله ام؟

- بیله من بابا. بیر- بیریدن قیزیقرلی؛ رنگمه - رنگ و عین پئتده اؤته دهشتلی اولر.

- انه شونقه سیدن بیرینی گپیریب بیرماقچی ایدیم، میلیمی؟

- میلی، نیمه ایدی او؟ گپیره قالینگ.

- فیسبوکنی ورقلب تورسم بیرگینه لوحه گه کؤزیم توشدی،- کتته بیر حقیقتنی آچگنده ی، سؤزیگه اورغو بیریب، باش قیمیرله تیب، اچینه کیتدی،- شو سچقانچه نی بیر اؤزبیکچه کلیپ اوستیگه آلیب باریب کلیک قیلدیم. نی کؤز بیلن کؤره ی که، بیر ایسکی مچیت یانیده أیگیرمه-اؤتتیز چاغیلیک کیشی تؤپله نیشیب توریشیبتدی. اولیگه، " بو یرده کیمدیر اؤلیب، جنازه سی اؤقیلماقده شیکللی؟"- دیگن فکرگه باردیم. یاکه، ادملر بیرار بیر مهم نرسه اوستیده جنجلله شه یاتیر دیب اؤیلب قالدیم.

- بل که، ملا، آخوند دینی گپ و سؤز نی ساده آدملر قولاغیگه إیله یاتگندی،- دیدیم باباگه.

- یؤغ-ای، گپ عمومن باشقچه، یتتی اوخلب ایسینگیزگه کیله یاتگن صحنه ایمس، اؤغلیم.

- باشیده سلله، یاشی اؤتتیزدن اؤتگن، إیچکی نینگ دُمیگه اوخشه تیب سیره کّینه ساقال اؤستیرگن کیشی، بیر آغیر نرسه نی کؤترگنچه، بایه گی أیغیلیشیب تورگن آدملر تامان کیله یتگندی. یقین کیلرکن، کؤکره گیده انیق، بیر تلویزیون کؤتریب کیله یاتگه نی معلوم بؤلدی. تلویزیون اوستیدن دی وی دی پلیر، اونینگ اوستیدن یاقیب اؤچیرگیچ قؤئیلگن ایدی. اوزون بؤیلی بو أیگیت جماعه گه یقینله شه یاتگن پئت، بیردن قؤلیده میکره فون توتگن بیر ژورنالست أیگیت پیدا بؤلیب بؤلدی. ژورنالیست دراو تلویزیون کؤترگن کیشیگه قوئیده گیچه سوال بیره باشله دی:

- هارمنگ اکه! تلویزیون بوزیلدیمی؟

- یؤق

- استه گه آلب بارماقده میسیز؟

- یؤق.

- ساتگه نی ایلته سیزمی؟

- یؤق

- باشی آغریدیمی، ملاگه اؤقیتگه نی الیب باره یپسیزمی؟ 

- یؤق، دیگن معناده بوگل تیلینی ایمس باشینی إیرغیتدی.

- نیمه؟ اونده  بو تلویزیوننی قوچاقلب قی یاققه بارماقده سیز؟

- بونی مچیتگه آلیب باره من اوکه.

- نیمه گه کیره ک بؤلیب قالدی؟

- مچیتگه، ملانینگ یانیگه آلیب باره من.

- نیمه اوچونگه آلیب باره سیز ملاگه؟

- بونی سیندیرماقیچیمن.

- بو تیلسیز، چغسیز تیمیرنی سیندیریب نیمه قیله سیز؟- هیجانله نیب سؤره دی ژورنالست.

- هی!-إیجیرغیله ندی،- سیز بیلمه یسیز. بوشیطان قطینی ملامیز حرام دیدی.

- یئیله دیگان نرسه ایمس-کو، حرام بؤلسین!- عجبله نیب سؤره دی مخبر.

- یؤق. بو کافرنینگ نرسه سی؛ اونی کؤریش گناه ایمش، شونینگ اوچون مین بونی سندیرماقچیمن! هه، ادملرنینگ کؤز اؤنگیده سیندیریب تشله یمن بو شیطان قطینی!- هیجانده ایدی؛ جهلی تاشیب گپیگه نقطه قؤیئدی.

شوندن سؤنگ، ژورنالیست اؤزینی بیر چیکه گه آلدی. هلی گی کیشی کؤکسیده زورغه اوشلب تورگن تیلوزیوننی باشیگه کؤتره سالیب، یرگه بیر اوردی. اوستیگه چیقیب آلیب، قؤپال آیاقلری بیلن بابلب تیپکیله دی. تلویزون نینگ إیچک-چه واغی شوو ایتیب إیچکریگه تؤکیلدی. شو پئت اؤرته ده توریب، تسبیح سینی قؤشه- قؤشه آغدره یاتگن ملا:" بالته نی کیتیریب بیرینگ جوره بایگه"- دیه قیچقیردی. شیطان ایلکه سیگه مینگن بایه گی قصاصکار آدم " یاالـله!"- دیگنچه، آغیر بالته بیلن تلویزیوننی اوریب قپّه یاریب تشله دی. بیر دقیقه گه باره ر- بارمس توزوککینه، آباد، قیمتیگه ساتیب آلگن، تغین ساتسه بیر دردیگه یره یاتگن تلویزیوننی پرچه لب تشله دی. سینیق پرچه لرنی-ده، میده لی باشله دی. آدملر همان حیرت بیلن یاقه اوشلب توریشردی.

***

- إیچینگیز تؤلیب تورگه نینی توشوندیم بابا، دیدیم آقساقال کیشیگه.

- ایندی، اؤزینگ بیر اؤیلب کؤر باله ام؟ بو شورینگ قورغور بای بچه- کو، ایمسدی. کتته بؤلسه دهقان، یاکه، حمال، جیلله قورسه بیر خشه کی مردکارگه اؤخشه دی. بو دستگاه نی نی عذاب و عقوبت بیلن باله لرنینگ آغزیدن اوریب ساتیب آلگن. قاله بیرسه، شو دستگاه، کمبغل نینگ بیر کونلیک غم-غصه سینی آلردی. اؤرگه نه یاتگن تربیه وی نرسه لرکؤپ ایمس میدی؟ مثلن، سیندیرمسدن اوستیگه کؤرپه قه لب قؤیسه بؤلردی...نیمه دیب اؤیله سن، بو تیرمزه ک نینگ بوزغونچی لیگیگه باله-چقه سی کؤندیمی ایکن؟

- یؤق البتته، اوی نینگ بیر چیکه سیده، توره بیره ردی. باله لری اوینچاغی، اوونچاغی بؤلیشی ممکن ایدی. شو جرار صوفی إیشدن چرچه گنده اؤریندیق قیلسه بولردی-کو اخر،دیب قؤشیب قؤئیدیم.

- بیله سنمی باله ام،- دیدی دانشمند تاکیدله یاتیب،- بدعت و خرافات بیردنیگه آدم نینگ انگینی اشغال قیله دی. بونگه إینانگنلر بار-یؤغینی، حتاکه، جانینی هم بو یؤلده تیکیشگه تیار. قدیمده باله سینی اؤز عقیده سی یؤلیده قربان قیلیشگه چاغلنگن اؤشه روحی کسل چال انه شونده ی لر جنسیدن بؤلگنینی بیر ایسلب کؤرینگ. اگر بو سوادسیز کیشی نینگ بوندنده کتته راق امکانیتی بؤلسه، قنده ی قیرغین -براتلرنی انسانیت باشیگه الیب کیلگن بؤلردی.

بابانینگ تیلیدن بو واقعه نی ایشیتیب، بوتون وجودیم لرزه گه توشدی. اگر بو سوادسیز آدمنینگ قؤللیده بوندن-ده، کتته راق امکانیت بؤلسه، اتم قوراللرینی تاپ تارتمه یدی اؤز مخالفلری باشیگه یاغدیرگن بؤلردی. چونکه، بولر اوچون جنتده، 72 ته باکره قیز و غلمان( بی ساقال باله لر)لر خذمتگه شی توریبتدی. بودنیاده یشش اولر اوچون قیزیق ایمس، دیگن فکرلر إیچیمدن اؤتدی.

2014-أیل کانادا  

 

 

ارسال در تاريخ 2014/10/7 توسط ایشانج

 

حکایه/Hikoya

قؤش تیره ک

 Qo'shterak  



ادامه مطلب...
ارسال در تاريخ 2013/8/14 توسط ایشانج
 حکایه

استاذ


 

...فکرله شیمیز چتاق؛ اؤیله شیمیزده معمّا بار. بؤلمسه نیگه بوگونگی حیاتیمیز إیپلرینی موهوم ایرتک- اعتقادلر گه تاپشیریب قؤیگنمیز؟ نیمه گه یالغان-افسانه لرگه إیشانیب یشه یمیز. نیگه دنیاوی حیات تاتی یو، تفتیدن حس قیلمسلیگیمیز کیره ک؟ سیزگی عضایمیز شو گؤزه ل مادّی بارلیقنی تویب یشه شی لازم ایمسمی؟

هه، بیز شونداقمیز. حقیقتنی اؤزیمیز قیدیریب تاپمی، واسطه چیلر، دلاللر بویرتمه سینی بجره میز   و اولرگه سویه نیب إیش توته میز؛ شونگه اؤرگه نیب قالگنمیز. عجبا، بو دنیاگه کیلیب، بیزده هیچ قنده ی تنلاو و اختیار یؤق ایکن-ده!. "سیزلرنی دنیاگه کیتیره میز"- دیب بیزدن هیچ کیم سؤره مه گن. «آتیمیز، تیلیمیز، مللتیمیز، دینیمیز و یورتیمیز»نی اختیار ایتیش اؤز قؤلیمیزده بؤلمه گن. یؤقسه، شونچه لر بختسیز بؤلرمیدیک. اؤی و فکرلریمیزده کمچیلیک بار. بؤلمسه نیمه گه کؤپچیلیک بیر خیل اؤیله یشه دی؟ بیر خیل کیئینیشه دی و بیر خیل آوقتله نیشه دی...

برچه نرسه نی بیزگه تارتیق بیرگن آته- آنه، جمعیت، کیچمیش و اطراف کؤپ نرسه لرنی تانماق/ انکار قیلیش حسسینی هم هدیه قیلگن بؤلسه، یامان بؤلمسدی. مادمگه، بونده ی ایمس ایکن، إیشلرنینگ بـَـری اؤز بؤینیمیزده...

بالگینه نینگ«کپه لک» ناملی ویب صحیفه سیدن کؤچیرمه...

 



ادامه مطلب...
ارسال در تاريخ 2013/7/18 توسط ایشانج

لاتین یازوویگه اؤته یلیک 


 آت ائلــــه نیـب، قـــازیغینـــی تـــاپــــــه دی. مقال


 Ot aylanib, qozig`ini topadi. maqol

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

         تیریکچیلیکنی تیبره تیش، باله- چقه نینگ قارنینی تؤیدیریش نهایتده آغیرله شیب باره یاتگن اؤته آغیر و قلتیس بیر زمانده یشه ماقده میز. مردکارلیک بیلن تاپیلگن پولگه قاره قازاننی قئنه تیش نینگ هیچ هم علاجی یؤق. اوستیگه اوستک یاتیب- توره ردیک بیرگینه باش پنه بؤلمسه، کمبغلنینگ شوری قوریدی، قیامت قؤپتی دیه ویرینگ. یؤقسیللرنینگ عاتده باله سی کؤپ بؤله دی. آچی- تؤقی، کسل- بیماری، یاپینر- تؤشه نری، یوریش- توریشی، اؤقو- تربیه سی یؤلیده حضور-حلاوت نیمه لیگینی بیلمه گن، بیچاره آته- آنه ایرته خزان بؤلیب، عالمدن کؤز یومه دی. بولر- کو، ازلی تشویش کمبغل آته- آنه  اوچون. ایندیلیکده، آغزیده تیشلب کتته قیله یاتگن مرغک باله لرنینگ امنیتی خطرگه توشیب قالگن. قراوسیز باله کی لر اؤغیرلب کیتیله دی و یاکی پولگه ساتیله دی. بونده ی واقعه- حادثه هر کونی، هر تؤکسیده، هر یرده، هر آن یوز بیریب توریبتدی. حکایه قیلماقچی بؤلگنیمیز واقعه کونی کیچه جنوبی تورکستان کینتلریده بیریده صادر بؤلدی. إیککی کونده، بیر-بیریگه اؤخشه واقعه لر بو حکایه نینگ توغیلیشیگه سبب بؤلدی.

 ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ                                                                                                                                                                                  حکایه

 حکایه

                                          اوزیلگن ارقان     

          



ادامه مطلب...
ارسال در تاريخ 2013/3/29 توسط ایشانج
 

 بختی قرا گلچهره

حکایه آلدیده گی اؤیلر

           انسان وجودینی تیتره تیب، روحنی ققشه ته یاتگن بو واقعه، شو کیچه- کوندوزلری ایلکترون ترماقلری(فیسبوک) آرقه لی یشین تیزلیگیده میلونلب آدملرگه یتیب باردی.



ادامه مطلب...
ارسال در تاريخ 2012/12/26 توسط ایشانج
 

حکایه

 

                                                     یر اؤپگن برماقلر

     



ادامه مطلب...
ارسال در تاريخ 2012/11/11 توسط ایشانج
 

 

     ‌إیشانچ                                                                                                          حکایه

قوتیلیش

      1985-أیل. محصللرنینگ یازگی تعطیلی باشلنگن- بیر پلله. بوتون شوری بؤیلب  مینگ- مینگلب طلبه لرنینگ وطنگه آقیب کیلیشی کوچه یگن وقت ایدی. ..



ادامه مطلب...
ارسال در تاريخ 2012/9/16 توسط ایشانج
 

حکایه

إیــتلر سلطانی

 میمنه، 1979-أیل. سرسان- سرگردانلیک باشلنگن کونلر. روزی بای سراییده قؤنیم تاپگنمیز، بیزنی کیم بو یرگه باشلب کیلگنینی ایسله ی آلمی من. توننی کونگه اولب یشه یمیز إیش قیلیب. شونده، عزت الله دیگن بیر انسان بیزنی اؤزیگه یقین توتدی. یاردمینی ایه مسدن کؤنگلیمیزنی کؤتریب، هزل-هوزل گپلر بیلن دردیمیزنی آله دی. تونلری روزی بای سراییده شو انسان نینگ اؤتاغیده اوخلب چیقه میز...

   



ادامه مطلب...
ارسال در تاريخ 2012/6/11 توسط ایشانج
 

حکایه 

 

ماوی بیراق آستیده

اوچ- تؤرت چقیریم یؤل باسیب مکتبگه باره میز. یاز هواسی، قویاش نینگ زرّین تیغلری آستیده باش یلنگ، آیاق یلنگ، کویلکچن بیر کؤرینیشده یؤل چنگیتیب مکتبگه باریب- کیله میز. بیر کونلیک اؤقیشگه باریب کیلیشیمیزنینگ اؤزی بیر داستان.

 



ادامه مطلب...
ارسال در تاريخ 2012/4/19 توسط ایشانج
 

 

 ادَشگن محبّــت

      سلیمانگه اونه شتیریلگن نرگس نینگ تؤیی هم یقینلشب قالگن. اوزاغی بیلن إیککی هفته إیچیده تؤی بؤلیب اؤتیشی ریجه لشتیریب قؤئیلگن. بؤله جک قوده لر حالیگه یره شه تیارگرلیک کؤرماقده ایدیلر. اویی شهرگه یقین بؤلگنی اوچون نرگس وقت تاپتمدیم دیگونچه بیرار کمچیلیگینی بوت اوچون دوکانلرگه باش اوره دی. اویدن شهرگه باریب کیلیش نینگ اؤزی بؤلمه یدی. هر قه لی کیمدیر، یانیده بؤلگنی یخشی- ده. نرگس کون إیسیمی، سلقینده «نیمه قیپتدی؟ کوپه کوندوزی، شهر تؤله آدملر»- دیگن اؤی بیلن چادره سینی باشیگه یاپیب میده چویده ساتیب آلگنی شهرگه توشدی.

 



ادامه مطلب...
ارسال در تاريخ 2012/4/10 توسط ایشانج
 

 

                                                                 سیوگی                                                                           

        بیر کیچه - کوندوز تینمی یاققن یامغیرنینگ ایندی کیتدی اوزیلگندی. هنوز هوا یککه - یریم تامچیلب توریبتدی. کؤپ یامغیر یاققنیدن بؤلسه کیره ک اؤشه کونی بازار چیلرنینگ آقمی انچه سیره کلشگن کؤریندی. همیشه گیدیک قیزیق- پیشیق بازار ایمس. قؤلی قؤلیگه تیگمی نرسه لرینی جرق- جرق پولـله یاتگن ساتوچیلر خریدار پایله یاتگندی. 

 

 



ادامه مطلب...
ارسال در تاريخ 2012/4/7 توسط ایشانج
 

 

آمازون

 

         آسمان تیز- تیز ائنیب، اؤزگریب توریبتدی. اؤشه کونی هوانینگ خـُمی بوزیلگندی؛ سهل اؤتمی قار یاغیب بیردی. تیوره ک-اطراف بیردن آپپاق لباسگه بورکندی...        

 



ادامه مطلب...
ارسال در تاريخ 2012/1/15 توسط ایشانج
 

 

 قیزیل داغ   

 

        1981- إینچی أیلی، جزیره مه کونلرنینگ یاز پلله سی، ایرته سی جمعه دم آلیش کونی ایدی. توشگی آوقتدن کیئین غوج-غوج اؤقوچیلر یاتاقخانه لرینی ترک قیلیشیب، انستیتوت باغی آره لب، سلقین سایه لرده گی یؤلکلرنی ائله نیب، بیر یازیلیب، یه یره ب کیلیش مقصدیده شهرگه تامان آدیمله ی باشله دیلر.

 

 



ادامه مطلب...
ارسال در تاريخ 2011/11/25 توسط ایشانج
 

 

 حکایه

 اوشـَــلمه گــن آرزو

 

      انقلاب بؤلدی... کاروان- کاروان موترلر تیزیلیشی، شهرلر ارا شوروی نینگ قیزیل عسکرلرینی ته شیماقده ایدی. هواده تیک اوچرلر گیر- گیر ائله نه دی، بمباردمان قیلوچی اوچقیچلر تینمسیز پروازده.

 

 



ادامه مطلب...
ارسال در تاريخ 2011/11/20 توسط ایشانج
 

 

حکایه

نجات ‌إیزلب 

         حکایه قیله یاتگنیمیز حیاتی بو واقعه گه کؤپ أیللر بؤلدی. اؤشــــه پئـــــتـلری  شفاخانه دیگن نرسه بیرگینه ولایت مرکزیده بؤلرایدی. بیزنینگ شهریمیزگه هلی زمانوی ایملش(طبی خذمت) یتیب کیلگنچه یؤق. اوستیگه اوستک قیشلاغیمیز هم شهردن بیش چقیریمچه لیک اوزاقده جایله شگن. 

 



ادامه مطلب...
ارسال در تاريخ 2011/11/7 توسط ایشانج
 

 

 

بارسه کیلمس

شهریده گی کتته مکتب یاندیریلدی.کیچیک مکتبلرنینگ هم کولی کؤککه ساوریلدی.برچه نینگ یوزیگه اؤقیش ایشیکلری تقه-تق یاپیلدی.بوکونلر دن قاچگنلر قاچدی؛قاچه آلمه گنلر توبه لر قیلیشیب،مسجدلردن اؤزلر یگه باش پناه إیزلشلریگه تؤغری کیلدی.شوندن کیئین سؤراق-جواب کونلری باشله نیب،قیپ-قیزیل قیامت قؤپتدی شهریمیز ده. 

 

 



ادامه مطلب...
ارسال در تاريخ 2011/9/17 توسط ایشانج
 

 

 

أیگیت اؤلسه بلند تاغلر پس بؤلر،

قری اؤلسه اوچ کیچه مَــیلس بؤلر.                            

  مقال

ینگلیش منظره

   

 قیشلاغیمیزنینگ بای-بدولت اولوغلریدن،دانیار حاجی اؤلیب قالدیلر. یؤقاریده گی مقالنی اؤشه کونی آدملر تیلیدن ایشتگن ایکنمن.درّاو خبرچینی چارلب کیلدیلر.اونگه قاره سحردن«یتتی قیشلاقنی جنازه گه خبر قیلگین!»-دیه تاپشیریق بیریلدی.شوندن سؤنگ ممه دیار صوفی یؤلگه آتلندی.

 

 



ادامه مطلب...
ارسال در تاريخ 2011/9/10 توسط ایشانج
 

 

حکایه

 

آتسیز چقه لاق

       کیلین- کویاونینگ تورموش قورگنیگه ایندی بیر أیل بؤلی،دیب قالگندی.کوموش خان اؤزینی آوویتیش اوچون مغازه دن بیرشیشه إیدیشده کیچکینه بلیقچه ساتیب آلدی و اونی اویلب اوئیگه آلیب کیلدی.تینیق سوده اؤیناقلب سوزه یاتگن بلیقچه،کؤزنی قونه ته یاتگن درجه ده چرایلی.بلیقچه میتتیگینه کؤرینیشلی. سیرتی قیزغیش توسده؛اؤمگنی بؤیلب،زیغیرده ی- زیغیرده ی تؤریق خالچه لر آره له گن.شوخ بلیقچه شیشه آستیده گی بیر تیکیس سکوتدن بیزاوته لنگندیک،بیر قلقیب سو یوزیگه چیقه دی-ده،قئتیب ینه شیشه توبیگه قره ب شونغیب کیته دی.معنالیک،کؤرگوده ی صحنه. یالغیز قالگن پئیتلریده کوموش خان انه شو بلیقچه گه تیکیلیب، قؤشیقلر تؤقیر،پس آوازده اشوله لرائتر،او بیلن دردو حال قیلر و آخری چرچب، بلیقچه نی آووقتلنتیره دی-ده، میزغیب کؤزی اویقوگه إیلینه دی.بلیقچه،ینگی تورموش قورگن یالغیز،مسافر بیر عیال اوچون یخشیگینه ایرمک بؤلیب قالدی.

      

 



ادامه مطلب...
ارسال در تاريخ 2011/8/29 توسط ایشانج
 

 

قاره باتیرلر

اونینگ لبلری اوستیده ایندیگینه توکلرسبزه اوره باشله گندی.اؤقیشدن ایرا قالگن باله نینگ ذهنی راسه اؤتکیر.باردی مکتب اؤقیب،عالی معلوماتلی بؤلگنیده ایدی،إیگنه نینگ کؤزیدن نق تویه نی اؤتکزردی.بو کیتیشده،یولدوزلرنی نروانسیز اوره یاتگن بؤلیب اولغه ییشی تعین.فقط گینه اولکن شهرلرگه باریب اؤقیشگه قؤلی یتمی توریبتی.اوستیگه-اوستک تینیمسیز بی ثمراوروشلر قومگه اؤخشب،انه شونقه استعداد لرنینگ کؤزینی یاپیب تشله گن.

 



ادامه مطلب...
ارسال در تاريخ 2011/6/26 توسط ایشانج

 

حکایه 

قؤزغالان


قؤزغالان نینگ بیرینچی کونی ایدی.توشدن سؤنگ؛کوتیلمه گنده،رادیودن ینگره گن کیسکین هیجانلی «کوی»،یورتده قنده ی دیر بیر اولکن حادثه-بوریلیش یوز بیرگنیدن دلالت ایدی.سراسیمه وضعیت کؤلنکه سی آستیده اوزون قولاق گپلر همّه یاققه ترقلدی...بیردنیگه چومالی إینیگه سوو قوئگنده ی بؤلیب، مملکت تؤزیدی قؤیدی.نیمه لیگینی بیلمسه-ده،آدملر«انقلاب»دیگن سؤزنی اؤشنده ایشیتگن بؤلدیلر.

 

 



ادامه مطلب...
ارسال در تاريخ 2011/6/6 توسط ایشانج
 

 

النگه

یاشلیگیم بی باشلیگیم...

کؤچه نی چنگیتیب،اؤرتاقلریم بیلن اؤینه شدن هلی تؤیگیم یؤق پئتلر ایدی.ائنیقسه گلبهار بیلن یشینمه چاق اؤینش- جان دلیم! لبلریم اوزره مه ئین توکلر ایندی سایه ساله باشله یاتگندی.اؤین آره گلبهارنی باله لرچه ایرکه لب،بغریمگه بیر قوچیب قؤیه من.چولپیلله تیب کؤمّه سیدن اؤپیه ین،دیسم اویه له من.یاناقلری وستیده اؤینب تورگن کاکلچه لرینی شمال آلیب قاچگنده،یوره گیم آرتیدن قویب یته آلمه مسدی.او قاچه دی،مین قوه من.یته آلمه گن وقتیمده کله پوشیمنی آلیب بالدیرلرینی گزلب آه ته من.کولگیچلریدن ذوق آله من.

 



ادامه مطلب...
ارسال در تاريخ 2011/5/6 توسط ایشانج
 

 

 حکایه                                                                                                        

کوتیلمه گن خط

- حیات کیشینی فیلسوف قیلیب قؤیرکن،یاش اؤتگن سری آدمنینگ حیاتگه قره شلری چقورله شیب باره ویره رکن.مینینگ إیچیم عقللی گپلردن تؤلیب کیتگن.قولاق بؤلسه بس،تؤقیب تشله ی بیره من، قنچه کیره ک بؤلسه،میندن آله ویرسین شاعراکه لر،سؤزلریمنینگ کیتیگه :«بازار،لاله زار،آزار ،مزار...»دیگن قافیه لرینی قؤیسه لر بؤلدی،نقد حکمت نینگ اؤزی.توشیندینگمی خاتین! ای هی، یخشی یم سین بار ایکن سن بو یالغانچی دنیاده.آنده- سانده دردیمنی ائتیب إیچیمنی بؤشه تیب توره من هر قه لی،- دیدی خاتینگه قمچی بای برماقلری آره سیده بورقیب تورگن یؤغان سیگار نینگ آخرگی توتونلرینی شیمیره توریب.

 

 



ادامه مطلب...
ارسال در تاريخ 2011/1/31 توسط ایشانج

 

 

حکایه

حاکـم

بوندن بیش أیل چمه سی بورون،اؤزبیکلر غاو یشه یاتگن بیر ولایتنینگ بختی کولیب(یؤق،شؤری قوریب!)باقیب،او یرگه بیر جرار حاکم(والی)تعینله نیبتی.سهل کم قیرق حاکمنی باشیدن اؤتکزگن بو ولایت آدملرینینگ افتیدن،آشیغی آلچی توریب،نانی یاققه باته دیگن بؤلیبتی.آدملر،عقلی کلته،دغدغه سی اوزون بو حاکمنی یخشیلب عزّت-اکرامگه باتیریشیبتی.کیملردیر ضیافت اوئیشتیریب تؤن کیئدیریشگن؛ کیملردیر آیاغی آستیده قان چیقریشگن؛إیس چیقرگنلرهم مؤل بؤلیشگن. بیر عمر یاریب- یالچیمی کیلگن بیچاره خلق«کؤرگنلریمیز اونوت بؤلدی شیکللی!»-دیه شادیانه توتیشگن.اونینگ یگنی آلدیده،یمه گنی آرتیده بؤلیب قاله ویرگن...ایلنینگ نظری توشگن حاکم إیش قیلشنی بیلمسه-ده،قرچه قوشدیک هر شاخ شبـّه-یو،بــُـتــّه لر باشیده پیدا بؤله ویریبتی.

 

 

 



ادامه مطلب...
ارسال در تاريخ 2011/1/8 توسط ایشانج
 

 

                                                                                                                حکایه

 

بلبل سیره مه گن کیچه

     کتته حاولی.بیریاقی باققه توتشگن،ینه بیر تامانی قه لین اؤریک،جیئده،یانغاق و توت درختلریگه قؤشیلیب کیتگن.حاولینینگ قاق اؤرته سیدن سوو آقر،یازده غوج-غوج درختلر یپراغیدن سایه-سلقین تره لیب توره ردی.کؤمکؤک درختلرنینگ شاخ- شبّه لریده إیلینیب قالگن قویاش نورلری سیکین- سیکین برگلر آره سیده یشینماقده ایدی. بیر زوم اؤتیب،یپراقلرآره سیدن ســـُفه اوستیگه یلتیللب توشیب تورگن سرغیش آفتاب تنگه چه لری کؤرینمی قالدی.

 



ادامه مطلب...
ارسال در تاريخ 2011/1/4 توسط ایشانج
 

 

 

بیرینچی قؤنغیراققه ایظاح

    ائریم اولکه لرده ینگی اؤقو أیلی موسومینی مکتبلرده جرنگله گن بیرینچی قؤنغیراق آچیب بیره دی.اؤقو إیلی نینگ مکتبلرده یاپیلیشی ایسه،سؤنگگی قؤنغیراق صدالری آستیده کیچه دی.اؤتمیشده کیشیلر آره سیده قؤنغیراق یاوز روحلر،بلا-قضالرنی هیده ش مقصدیده هم قؤللـه نیلگن. بیراق،کمینه یشب تورگن یورتده ینگی اؤقو أیلی کتته تیارگرلیک و طنطه بیلن باشلنسه-ده،بوتوشونچه لر یؤق.مین توغیلگن وطنده هم بونده ی توشونچه لری بؤلمه گن.

 

 

 




ادامه مطلب...
ارسال در تاريخ 2010/10/17 توسط ایشانج
 

 

 

بیرینچی قؤنغیراق


- زنگ باسیب اؤتیره بیره سیزمی آته خان؟بوندن قیرق-ایللیک أیل آلدینگی حیاتدن سؤیلنگ! باله لیگینگیز،مکتب دیگنلریدیک. بیز ژورنالیستلرگه قیزیقده بَری-بیر،- دیدی قؤلیده میکره فون کؤتگن أیگینچه. یاشی آلتمیشنی اوریب قؤیگن آته خان برماقلری إیله مـَنگلینی قه شی یاتیب گپگه کیردی :

 

 



ادامه مطلب...
ارسال در تاريخ 2010/10/8 توسط ایشانج
 

حکایه

                                       

 اؤلوم قؤشیقلری


جناب ایکس حیاتیده کؤپ نرسه لرنی کؤردی و کوزه تدی.اونینگ کؤرگن بیلگنلری آره سیده،ایسده قالرلی نرسه لر آز ایمسدی...




ادامه مطلب...
ارسال در تاريخ 2010/9/16 توسط ایشانج

 

 

 

 

قاره قوش

      کیچگه یقین،ساعت میللری بیشگه قره ب باره یاتگندی.اپریل آیی نینگ باشی،بهار نینگ إیلک آنلری ایدی.هفته نینگ قیسی کونی ایکنی ایسیمده ایمس...




ادامه مطلب...
ارسال در تاريخ 2010/8/7 توسط ایشانج
 

 

اوچره شو

 

شهر تیکیسلیکده ایمس،پستلیک- بلندلیکده جایلشگن. یؤقاری(شمال)دن شاشقه لب،تؤلغه نیب آقه یاتگن قاره دریا نینگ سووی(سوونینگ رنگی شونده ی)،شهرنی إیککیگه بؤلیب،جیلغه زارکینت نینگ قاق اؤرته سیدن اؤته دی.تیپه لیکلر ارا توتش درختلر إیچیده،یؤل ویؤلک یاقه لری بؤیلب،کؤپراغی یاغاچدن سالینگن اویلر،یم-یشیل میسه اوزره تیریب قؤئیلگن گوگرد قطی سینی ایسلته دی.بوشهردن اوزاقلشگن سری،اداغی کؤرینمس،سؤلیم طبعیتلی قه لین اؤرمانلر باشلنه دی.چیندن هم بو یورتنی بار بؤیی بیلن کؤمکؤک ارچه زارلر مملکتی،دیب ائتسه بؤله دی.اؤنقیر- چؤنقیر سای،دؤنگلیک،قیر-آدر،گـــَزه لر جایلشگن همده  کیچیک لیگینی حسابگه آلمه گنده،بو شهردنیانینگ باشقه شهرلردن فرق قیلمیدی.اساسی فرقی شونده کی، بو یرده برچه عدالتلی بیرقانونگه بؤی سونه دی.هرکیم اؤز حقیگه قول.

      بو اولکه ده گی قهرتان و اوزوندن اوزاق قیش یوره کلرگه توشیب کیته دی. بیرتوتم سیر یاغین کؤکلم؛ بولوتلرگه اؤره لگن بیر پرچه نم یازکونلری نینگ دیداریدن تؤیمَی توریب،بویاغیدن دراو،ینه همیشه گی قیش ایشیک قاقیب کیله دی. بوشهرآدملری بیلن طبعیتی اؤرته سیده قنده ی دیراوئغونلیک بار.اؤزلری بیلن تورلی مملکتلردن هرخیل مدنیتلرنی ته شیب کیلگن مهاجرلر،بومدنی تفاوتلرنی ینه ده چقورلشتیرگن. تورلی-تومن ورنگمه-رنگلیکــّه یورغوریلگن یورت نینگ اؤقیلمه گن وراغلریدن سؤز باشله یمیز.منه شوگینه بیرکیچیک دیباچه دن کیئین اصل واقعه نی حکایه قیلیشگه کیریشسم...

  





ادامه مطلب...
ارسال در تاريخ 2010/7/2 توسط ایشانج


 

   حکایه

کؤز مینچاق

 

     اولرنینگ یاشی بیر جایگه یتیب قالدی.بیر نرسه نی حسابگه آلمسه شو پئیتگچه تورموشلریدن نالیگن یرلری یؤق.اؤشنگه أینتیلیب یه شه دیلر.برچین آی بابا مراد گه تورموشگه چیقــّن ایکن، بیر تیرناققه زار بؤلیب،باله کؤریشنی راسه اؤن سکــّیز أیل کوتدی. بؤئیده بؤلمی یوردی. باله سیزلیک عذابی اؤنینگ تینچینی آلیب قؤیدی.




ادامه مطلب...
ارسال در تاريخ 2010/5/14 توسط ایشانج

 

   حکایه

 مکتبده سینگن کؤنگیل... 

کیشیلرمکتبگه یازیلیشدن هدیک سیره یاتگن،قؤرقه یاتگن زمانلرایدی. باردی،کیمدور بیرآونینگ مکتبگه چیقر باله سی باردیب،شیطانله سه،اؤرته ده کتته جنجل باشله نیب کیتیب، بیر- بیری بیلن یوزکؤرمس بؤلیب قالیشردی آدملر.ائتیشلریچه سرمعلم صنفگه کیریب،بالـــــه لردن :

 



ادامه مطلب...
ارسال در تاريخ 2010/3/27 توسط ایشانج
 

 حکایه

قلدیرغاچ

بهاریشل کؤرپه سینی دشت- یه یلاولرده یایه باشلگن کونلر ایدی.تانگی میه ین یللر اؤت-اؤلنلرنی قیتیقلب اویغه ته یاتگندی.شودیرینگ غنچه لر قولاغیگه  تامچی دُرلرینی ساله باشله گن آنلر.گل-چیچکلر قیئغاس آچیلگن.داو-درختلر اؤزشاخچه لریگه إینجو شاده لرآسیب آلگنده ی جلوه لنردی...



ادامه مطلب...
ارسال در تاريخ 2010/3/24 توسط ایشانج
 

 فنستیک حکایه

 توشده گی اؤیلر

احتمال،سیزده هم بؤلگندیربونده ی حالت.آتمدن قالگن ایسکـینه پخسه اویده یالغیز یشرایدیم.اوی دیواریده بیرتابلو آسیغلیق توره ردی.تابلواوزره اؤرگمچیک انینگ یسکی  تؤرلری چؤزیلیب یاتر.شوتابـــلوده صدفگه اؤخشه گن زرّین سینیق بیرکیمه دینگیزقیرغاغیده جلغه لرآره سیده،اؤز یؤللاوچیلردن بــؤشب،ساکن تورویبدی.

 

 



ادامه مطلب...
ارسال در تاريخ 2010/3/16 توسط ایشانج
 

 حیاتی حکایه

قبردن قیتگن مهمان

قیش یقینله شیب قالگن کونلر.توشگه قالگنده سیرچه لب قار یاغه باشله دی. کیتیدن شیبّاتلب یامغیر یاغدی.تونلری هوا موزلمس درجه ده ساوویدی.مین اویمدن    کؤچه گه چیقدیم.ضرور إیش یوزه سیدن اوچره شگنی باره ی- بارمی قیلیب،کؤچه بؤیئده تورگن ایدیم.

 



ادامه مطلب...
ارسال در تاريخ 2010/2/26 توسط ایشانج
 

 

وَیــــلون

یازکونی.ایرته لب ایسه یاتگن پاریمگینه شمال نینگ دواملی وینغیرلــَی ویشلری، اویقودن اویغه نیشــــــیمگه خـــَلخت بیره یــاتگنده ی ایدی.شمال نینگ بونچه لیک مونگلی نالیشگه اهمیت بیرمه گن ایکنمن.قویاش چیــــــــقــَریگه سهل قالگنده، تشقریدن،آینه آرتیدن مأیوس گینه یــله یاتگن شمال نینگ معنادار غیــنغیللشلری،  ماتم کونیده ایریلیق کوئینی تره ته یاتگن وَیلونــنی ایسله تردی گویــا.



ادامه مطلب...
ارسال در تاريخ 2010/1/27 توسط ایشانج
 

حکایه

ایوریلیش

عذر. قهرمانیمیزنی هرتامانلمه ته نیشتیره آلمــَیمن. بوهوسَل إیش.چونکی بیزنینگ جمعیتیمزده  شیرین یالغان ایرتکلری حکمراندیر!...

 

 



ادامه مطلب...
ارسال در تاريخ 2009/12/30 توسط ایشانج
 

 

    قارنینگ تاووشی                                                                                          ادبی نقد

                                      

 

یازووچی قادر مرادی 

 «ایشه گــــــیمگه عـقـــل بیر خدایـــــم!» 

 یاکی،

سلام اروه چینینگ دعالری

یازووچی قادر مرادی بیلن تــَنیشگنیمگه اوچ آیدن آشه ی،دیب قالدی.شوآره ده وقت تاپیب ادیب نینگ کتته- کیچک آلیتیته حکایه سینی اؤقیشگه اولگوره آلدیم.هلی آلدینده اؤقیشیم کیره ک بؤلگن، یازووچی نینگ ته لی گینه یوکسک روحده یازیلگن اثرلری توریبدی. بیرسؤزبیلن ائتیش ممکن کی،قادرمرادی حاضرگی افغانستان ادبیّاتــیده اؤزی نینگ عجایب وبی تکرارحکــایه لری بیلن یؤلچی یولدوز بؤلیب پارله ماقده.

 



ادامه مطلب...
ارسال در تاريخ 2009/12/20 توسط ایشانج
 

 

‌إیلک سباق

نیچه یاشگه کیرگنیمنی هیچ کیم بیلمیدی.آنه م اوزوم پیشیغیده دیسه،آتم اؤریک گلله(زردآلو) گنده توغیلگن سن بالم دیــــردی.قیشلاغیمیزده کیم قچان توغیلگه نینی بیش قولده ی یخشی بیله دیگان مامه م بیچاره اؤلیب کیتگنیگه اچینه من

 

 



ادامه مطلب...
ارسال در تاريخ 2009/12/8 توسط ایشانج

 

بـَـیـــــره م

(حکایه)

 إیشخانه نینگ  دیوار تخته سیده شونده ی دیب یازیلگندی :

«ایرته گه اداره میزده أیغین اؤتکزیله دی. آنه لرکونی نشانله نه دی.شومناسبت بیلن  سیزحرمتلی خادملرائنیقسه،عزیزعیاللردن تدبیرده قتنه شیشینگیزنی التماس قیله میز»

                                                                               اداره    

جمعه کونی ایدی .سیف الله  قاره سحردن توریب کؤچه گه چیقیب کیتگن.آی بیکه هم ایرته لب بروقت توردی .عایله نینگ تشویشی کتته-ده.هرکونگی إیشلریدین آی بیکه باش کؤتره آلمیدی. بوگون کؤپراق اورونیشیگه تؤغری کیله دی .  



ادامه مطلب...
ارسال در تاريخ 2009/10/7 توسط ایشانج
 

حکایه

بیر پرچه نان

(حیاتی واقعه)

بوگون مینگلی خال ایرته راق تیریکچیکیک إیشلریگه کیریشب کیتدی...اوبیتاب یاتگن خاله سینی کؤریب کیله قالی،دیب خمیرقیلشگه باشله دی.قؤللرینی یوه سالیب،ینگلرینی شیمه رگنچه،اون تؤربه دن إیککی تاواق اون آلدی.قؤللریده گی بیلک اوزوک،برماقلریده گی اوزوکلرنی- ده، چیقریب بیرإیدیشچه گه سالدی. مــُشتله گن خمیرینی،باتراق اوندریش مقصدیده إیســّیقینه جایگه قؤیب  قؤیدی.اونگچه تورموش اؤرتاغی ایلمراد هم إیشیدن قیتیب کیلدی. باله- چقه نی آوقــتـلــنتــیریب،تیوره گ-تاشنی سرانجام قیلگن مینگلی خال ایریگه قره ب:

 



ادامه مطلب...
ارسال در تاريخ 2009/9/25 توسط ایشانج

 

 

کیم نیچه کیم رنج نهانی چیکه ی،

آب حیات إیستب و جانی چیکه ی.

                                      نوایی

 

                                                              حکایه                                                 

بؤلسه بوتگار،بؤلمسه... 

«بیلم ساحه لری آره سیده اینگ چیگــَــلی،توشونیب بؤلمیدیگنی بو-انسانشنالیک»-دیدی عالملر. شونینگ اوچون دانشمندلرانسان حقیده قطعی فکرائیتیب،بیرتؤختمگه کیله آلگنلری یؤق.اونگه بیریلگن تعریفلرنینگ بَرینی«انسان ته نیب بؤلمَس- بیرمخلوق»-دیگن عباره اؤزکؤلــَنکه(سایه)سیگه آلیب توره دی.انسان حرکتی نینگ باشی هم سؤنگگی هم انه شوآره لیقده توگه یدی،بیته دی. آدمنی کییم- کیچــَککه اؤخشب،اونینگ بیلمی،اؤی-اندیشه لری،یخشی سؤزلری،خدا جؤیلیگی یــَـشیریب توره دی.انسان هرخیل خواهش-إستکلرإیلینجیده یشــَب اؤته دی ایمسمی؟ بوتویغولر نینگ اینگ کوچلسی«حاکمیت!»(قدرت)گه بؤلگن إینتیلیشدیر. بشربوحاکمیتنی بیرینچی گــَلده، اینگ کمیده اؤزإیچیده قوروب کؤره دی.شوآرزولریگه ایریشه دیمی،ایریشمیدیمی،بَری-بیراؤز إیچیده سرگردان یشه یـــویره دی.آدم باله سی گاهّا،غؤزه سیدن تشقریگه چیققن پــِلله قورتیگه اؤخشب،قابیغینی یاریب،کــَپــَلک سینگری،یؤقارلشگه شیله نه دی...  

 



ادامه مطلب...
ارسال در تاريخ 2009/7/22 توسط ایشانج
 

 

   حکایه

اؤلیک بؤلیب گؤرده یؤق،تیریک بؤلیب تؤرده یؤق.

                                                  مقال

اؤرگیمچـَک         

آستان بوه قیشلاغیده اؤزیگه تؤق عایله لردن ایدی.او بیرقیز،إیککی بربسته اؤغیلنی دنیاگه کیلتیردی...




ادامه مطلب...
ارسال در تاريخ 2009/5/30 توسط ایشانج
 

 

 تاریخی حکایه 

                                          خان آییم

یازکونلری نینگ تفتیدن ایندیگینه سراب کؤککه اؤرله یاتگن کیزلرایدی.غیر-غیرایسه یاتگن   شمال اوزاق- یقیندن الـله قیسی خبرلردرگینی کیلتیریب تورگنده ی.غم- قیغوگه یؤل یؤق. کاروانلرتویه لرده یوکلنگن توز،غلله،تیری،بوغدای وباشقه لرنی کیلتیریب آمبارلرگه تختله    یاتگن کیزلر.آدملر آت-اره وه،ایشک،قــَچیرلرده بازارلشگنی شهرگه کیریب کیله دیلر. بازارچیلرنینگ تیاقــــــلریدن کؤرتریله یاتگن چنگلر تارباره قویوقـله شیب بارماقـــــده ایــدی.جرچی کیلگـــوسی جمعه کونی اؤتکزیله جک اؤینلرنی بازارچیلرگه،یؤقاری تاووشده یتگزیب توریبدی.

 



ادامه مطلب...
ارسال در تاريخ 2009/5/9 توسط ایشانج
 

 

    حکایـــه                                                                                                    ذ.إیشانچ

بــالــــه

بوآدم بیلن أیگرمه سککیز أیل بورون اوچره شگنینی آته نظر شونده ی گپریب بیرگن ایدی : شهرسرایــلردن بیریده اؤتاق آلیب بـــــیراؤزیم یشردم.تون- کون موترلرنیــــنگ غــَر-غورسالیب اؤتیشی اویقومنی بوزردی. بیرهــــــــفته اؤتیب بوشاوقینگه عادتــلندیم.هریاقدن کیلگن سرایده گی مسافرلرنینگ طرفه قیافه سی کؤزیمگه خونیک کؤرینیب کیتدی. 

     



ادامه مطلب...
ارسال در تاريخ 2009/4/24 توسط ایشانج
 

 

    تاریخی حکایه                                                                      ذ.إیشانچ  

 

                                            هــــــدیــــه

تؤقـقــیزیـوزاؤتـتیزآلتینچی(1526م)هجری قمری أیلی .هندوستاننی ضبط قیلیب، بویورتده قؤنیم تاپگنیمگه ایندی اوچ إیل اؤتیب ایدی. بهار. کؤکلم طراوتی، چیچیکلر آچیلغانی،اؤت-اؤلنلرنینگ شوخ رنگلرگه بورکنگنی کؤنگلومگه غلغله سالر، وجودیمنی جنبشگه کیلتیریب،طبعیمنی قؤزغه تور ایردی.  بی اختیار قؤلیمغه قلم آلیب اوشبو رباعییغه رقم چیکتدیم:

 



ادامه مطلب...
ارسال در تاريخ 2009/4/15 توسط ایشانج
 

 

      ذ. إیشانچ

                                                                                حکایه

                                            بایقوش

اوزون قیشلاقده،قیرق بیش یاشلی مومین بؤزچی اینگ بختی چاپگنلردن ایدی.قیزنی ایمس،   اعیال ذاتینی توشیده هم کؤره آلمه گن اؤنلب أیگیتلر بویداغ  یورگن بیر پیتلرده،ککلیکدیک خاتینچه سی بارلیگیدن اونینگ آغزی قولاغیده ایدی.

 



ادامه مطلب...
ارسال در تاريخ 2009/1/17 توسط ایشانج
    

                 اؤزبیک تیلیده گی ایریم«ی»گه یقین تلفظ قیلینوچی،

                    سؤزباشیده کیلوچی  تاو ّشلرنی عرب حرفلری

                       واسطه سیده  قوییدگیچه افاده لش ممکن  


N+Shif = أی 

B+Shift =إی 

 

 أ‌ی= أیگیت(جوان)، إی= ایش(کار)، ی= یر(زمین)، ای= ایرکین(آزاد)

مقاله وموضوعلرنیلرنی یازیشده یؤقاریده گی                                  قاعده گه  سویه نیب  ایش توته میز      

 

   ذ.إیشانچ                                                                      حکایه    

                                      

                                       آق رومال

آته- آنه سی نینگ بیرگینه ارزنده  قیزه لاغی عایشه،ایندیگینه توقیزنی تولدیریب،اؤنگه قدم  قویگن ایدی.کونلرنینگ بیریده، طوطی عمّه  قاق توشده ،جزیره مه قویاش تیغلری آستیده،  قیزگینه سینی یتکلب،تؤی تیپه قیشلاغی تامان کسل کورگنی کیتدی.

 

 



ادامه مطلب...
ارسال در تاريخ 2008/11/15 توسط ایشانج

 

ذ.ایشانچ                                                                                حکایه  


بیرارمللتنی بوتونلی محتاج وچاره سیز قیلملقچی

بؤلسنگیز ،اول اونینگ تیلینی اؤلدیریـــــــــــــــــنگ(هتلر)


                                                    

                                                           درد

- قیش نینگ اوزون تونلری ایدی. بو نده ی پیتلرده قیشلاقداشلر قؤشخانه لرگه باریشیب،گپ–گشتک قیلیشیب،کیچه نی تانگ آتتیریشردی.

 



ادامه مطلب...
ارسال در تاريخ 2008/11/2 توسط ایشانج
                          

 

                بیرقیشلاق نینگ کؤز یاشلری

                            (قصصّه)      

                                                     (۴)              

ملا یو سف و ملا باز گل نینگ گپلری یاقدی شیکیللی «قبول» - دیب یوباردی .

شو زمان ملا یوسف  تیوره ککه  بیر کؤز  ایلنتیریب :

- تبریک بؤلسین تبریک!  قیلسه بؤلرکن- او!- دیدی ملا یوسف  قانیقیش معناسیده،اؤتیر گن

  اؤر نیده  تیبره نیب - تیبره نیب.

دیوار نینگ آرقه سیده بیرگروه اؤزبیک ییگیتلری قورالنگن حالده اوغانلردن قصاص آلیش

اوچون ققشتغیچ ضربه اورگنی ، تؤپله نیشیب تورگنیدن حاجی یؤلداش، دولت ارباب و باشقه

مجلس اشتراکچیلری خبرسیز ایدیلر. اوزیلگن قرض یوزه سیدن خط یازیلیب، ایککی تامان 

بیر- بیریگه خط  المشیشدی .  شو پیت،  یامغیر صوفی  تشقریدن سیکینگینه کیلیب،عادی بیر

 قیافه ده  دولت ارباب نینگ قولاغیگه بیرنرسه لرنی شیویرله دی .

 طرابخان هم حاجی یؤلداش هم هیچ نرسه سیزمی  قالدیلر.

دولت ارباب آهسته جاییدن توریب باریب تاک جویه سی یاقه لب ، دیواردن بؤیله دی .

قره سه ییگیتلر چاپقون اوروش نیتیده توریشیبدی .  دولت ارباب :

- قه لی سیزلر ییگیتلر؟دیه احوال سؤره شدی وتیزلیک بیلن باریب، قوراللنگن آلتی اؤزبیک

  ییگیتلرینی  باشینی سیله یاتیب  نصیحت قیلیشگه کیریشدی . ییگیتلر اپتیدن جوده قیصر،

 شدتدن توشمه یاتگن بیرحالتده بؤلیشدی. آلتمیش یاشلی ، قیزیل یوزلی ، قاشی سیره کراق 

 دولت ارباب واقعه نینگ آلدینی آلیش مقصدیده،باشیدن سلله سینی قؤلیگه آلیب یالباره کیتدی.

قوراللنگن ییگیتلرارباب نینگ گپینی قبول قیلیشیب«میلی بؤلیبدی»-دیب آرقه لریگه قیتیشدی.

اؤن دقیققه ایچیده دولت ارباب هیچ نرسه نی  سیزدیرمسدن ، ینه کیلیب  جاییده اؤتیردی .

 کوتیب تورگن ملا یوسف وملا بازگل بیردن نیگه آمین،آمین قیلیلیک دییشدی وکلته بؤیلیک،

آله ساقاللی ، آق سلله اؤره گن ملا یوسف  بو گل تلاوتنی قیسقه راق آلدی . آمین قیلیندی،

 مجلس شوجایده توگه دی.همّه ترقه لیشب  اؤز یؤلیگه کیتیشدی .

بونده ی مردانه جسارتی ، قومینی سیوگنی، حمایه قیلگنی ، اوزاقنی کؤره بیلگنی

 اوچون حاجی یؤلداش نینگ آبروسی نه فقط اؤزقیشلاغیده  بلکی، داوروغی

اوزاق- اوزاقلرگه ترلدی .حاجی بؤبه نی ایل- یورت سهل کم اولیا و پیر درجه سیده

اولوغلشدی .  شو ندن کیین ،تیپه قیشلاق نینگ اؤلیک تنه سیگه جان کیره باشله دی .

شو کونی- یاق  حاجی یؤلداش  قیشلاق نینگ  بیر- ایککی یاش اوغلینی اؤزی بیلن آلیب

  مرحوم توردی بیک نینگ اوییگه،تؤشکده میخله نیب یاتگن دُرتاش خاله،بؤری خال مامه، 

 بیک نینگ اؤرتنچی اؤغلی طاهر، کیچکینه اؤغلی باینظروشیرینگینه آیدین قیزلرنینگ

احوالیدن خبرآلگنی کیلدی.پرریخته بؤلیب قالگن عایله ده تام سکوت حکمرانلیک قیلردی.

 یقینده تیلدن قالگن دُرتاش خاله نینگ قؤلیده اؤغلی هاشمدن کیلگن خط توریبدی .

 حاجی بابه نی کؤریشی بیلن  دُرتاش خاله نینگ کؤزلریدن   جودیره ب یاش آقه ردی .

قنچه تؤلغه نیب حرکت قیلمسین بیرار فکرنی نه ایته آلدی ونه توشینتیره آلدی .

حاجی یؤلداش کسل یاتگن آنه نینگ قؤلیدن خطنی آلیب :«کؤزینگیزآیدین  دُرتاش خاله»

 -خشی،خیرلی سؤزلربیلن کؤنگلینی آلدی.صغیرلرنینگ یوزیدن اؤپدی وباشلرینی سیله دی.

 شو آره ده،  آیدین قیز یورگوره باریب کؤرپه لرنینگ تخله میدن  گل سالینگن آق رومالنی

 آلیب کیلیب ، آره سی نی آچدی- ده، آته سی نینگ عکسینی حاحی بابه گه کؤرستدی و

عکسنی اؤپیب بغریگه باسدی .  اؤزی تیکیب قؤیگن چرایلیکگینه آق رومالنی

«منه بو سیزگه حاجی بابه» - دیب  باشیدن سیریلیب توشه یاتگن رومالینی پیشانه سیگه

 تارتیب قؤیدی .

حاجی یؤلداش شو جایده خطنی آچیب همّه گه اؤقیب بیردی .هاشمدن کیلگن خط کؤترینکی

 روحده یازیلگن ایدی .  اؤشه خطدن کیچگینه بیر پرچه کیلتیره من:«...مین اونویرسیتیده

اوچونچی  کورسدن  اوچوچیلیک کسبینی   تنله دیم . امتحانلرده اعلی بها لرآلدیم .

یوکسک بهالریم اوچون مینگه بورس بیرشدی .اسد آیی نینگ باشیده، چیت ایلگه(شورویگه)

  اؤقیشگه اوچیب کیته مین ؛ نیتیم ، کیله جکده کاسمانفت بؤلیب کاییناتگه پرواز قیلیشدیر.

کؤک بغریده توریب اؤزیم نینگ جانه- جان  تیپه قیشلاغیمنی ؛ بیرینچی گلده سیزلرنی 

کؤرماقچیمن. باریشیم بیلن سیزلرگه خط جؤنته من . سیزلرهم مینی احواللرینگیزدن خبردار

 قیلیب توره سیزلر دیگن امیده من . میندن  پریشان بؤلمنگیزلر ؛ سیزلرنینگ ساغلیگینگیز

مستحکم،تینچ -تاتو حیاتینگیزایسه بردوام بؤلسین.سیزگه خذمت قیله آلمه گنیمدن خجالتده من. 

 ادب و چقور حرمت  بیلن کابلدن فرزندینگیز هاشم »

دُرتاش خاله  یاتیلگن حالده خطنی تینگله دی و تورماقچی بؤلیب جاییدن  

 بیر- ایککی قؤزغه لدی امّا توره آلمه دی . یوره ک بغری توته قیب، بو گل کؤپراق

کؤز یاشی قیلدی ؛اؤزینی اوشلب توره آلمه دی .

حاجی یؤلداش مرحوم نینگ عایله سینی ترک قیلرکن ، ینه بیر بار  صغیرلرگه تسَللیت

 بیلدیریب ، اولرنینگ یوره گینی کؤتردی .

«تشویش قیلمنگ همّه سی یخشی بؤله دی»- دیب  قؤیدی  آخریده .

 تیپه قیشلاقلیکلرآره دن تؤقیز آی اؤتیب،منتدارچیلیک،شکرانه بیلدیریش مقصدیده ،حاجی

یؤلداش نینگ اوییگه بارماقچی بؤلدیلر. کیمدور«مسجد امامی ملا یوسفنی هم آله یلیک،

اؤزی میزنینگ اؤزبیگیمیز»- دیب مصلحت قیلدی ،بیراق، بو گپگه همّه قرشی چیقیب،بیر

  اؤزلری  بیت قیشلاققه یؤل آلدیلر . مهمانلرنی  حاجی بوبه  جوده ایلیق وصمیمی کوتیب

 آلدی و یخشی  عزت- اکرام کؤرستدی .

توردی بیک عایله سی تمانیدن بارگنلردن نیاز بیک :

- حاجی بوه بیر مصلحتلیک گپیمیز بار ایدی، اگر خؤب دیسنگیز ایته یلیک!

- گپیره قالینگلر،- دیدی   حاجی یؤلداش دقت والتفات  بیلن .

- اینگ آغیر کونلریمزده باش پناه بؤلیب بیزنی قؤلتیق له گنینگیزاوچون،ننگ وناموسیمیزنی

 اسره ب قالگنینگیزو مللت پرور لیگینگیز اوچون توردی بیک نینگ کیچکینه قیزینی

اؤرته میزده گی  دوستلیک و قرینداشلیک ابدی بؤلیشی اوچون   اؤغلینگیز بابامراد گه 

 اونه شتیریب قؤیسک ، خام فاتحه قیلیب قؤیسک - دیگن

 نیتیمیز بار ایدی .

- بوجوده یخشی تکلیف،مین بوگپنی سیزنینگ تیلینگیزدن ایشیترکنمن،باشیم آسمانگه ییتدی .

مینینگ دولتیم طفیلی اؤغلیمگه قیزینی بیروچیلرجوده کؤپ.هلی اولرگه راضیلیک بیلدیرگنیم

 یؤق  وبیلدیر میمن هم،- سیوینگن حالده ،معنالی قره ب،- شونی هم بیله من کی،

« دشمنلریمیز قیزنی  قرضیگه حسابلب آلدی» - دیگن گپنی قیله دیلر .مین بو گپلرگه اصلا

 پروا هم  قیلمیمن .

- بؤلمه سه هم  قؤل قؤترینگ  آمین آلله اکبر،- دیدی  نیاز بیک.

اؤرته ده  بیرجام سو قؤیلیب فاتحه قیلیندی . آیدین شو بو گندن باشلب حاجی یؤلداش نینگ

 اؤغلی  بابا مراد گه ایتیب قؤییلدی یعنی اونه شتیریلدی . تیپه قیشلاقلیکلر باشقه تاماندن

 «آی قیز هه دیمی کتته  بؤلیب ، بؤییگه ییتیب قاله دی . یخشی- یامان نینگ آغزیگه توشمه

 سین» دیگن مقصد ده شو قرارگه کیلگن ایدیلر.

شو مشئوم واقعه لردن سؤنگ، توردی بیک عایله سی نینگ  مادی ومعنوی تاماندن احوالی

هیچ اؤنگلنمه دی . عایله نینگ اره وه سینی تارتیش  اؤن بیش یاشلی طاهرگه قالدی.او،هم

مکتب اؤقیدی ؛ هم قرینداشلری نینگ  بیرآز یاردمی بیلن  بیرعمللب روزغارتیبره ته دی .

آره دن ایککی ییل اؤتدی، دُرتاش خاله نینگ احوالی کون سیین آغیرله شیب بارماقده.

تیلدن قاله یاتگن آنلرده ،چقور آه تارتیب«هاشم جان نینگ آرزو- ارمانینی کؤره آلمه دیم .

ای دریغ دنیا! نه خات شو کونلریگه ایریشه آلمی اؤلیب کیتسم»- دییدی- یو، قیتیب

سؤز قاته آلمه دی .کیلگن- کیتگنلرگه مایوس باقیب،کیپریک قاقیش،ایما- اشاره بیلن سؤزله

 شردی . شونگچه هاشمدن اوچ- تؤرت  مرته خط آلدی. قؤنی قؤشنی «انه شو خط لر

دُرتاش خاله نینگ عمریگه عمرقؤشدی بؤلمه سه الّه قچان...»،-دییشردی اؤزاراصحبتلرده.

منه کوز هم کیلیب قالدی . درخت یپراقلری  نینگ  سرغه یشی  باشقه چه راق بؤلیب

 کؤرینه دی بو فصلده .  اوشبو موسمنی- اؤلیم نینگ توغیلیشیگه اؤخشتسه بؤله دی ؛

 آدمنی- اؤیگه تالدیره یاتگن جایی انه شونده . بو دملر خودّی حساب- کتاب کونلرینی

 ایسله ته دی . انسان حسلری کؤپراق  توشکونلیک ومونگگه تؤله دی. آدم ذاتی خلقتنی

کشف ایتگن اولوغ فیلسوفلرگه اؤخشب کؤرینه دی  شو ایامده . هه!  بو دانشمندلر ایندی،

  حیات زنجیریدن اوزیلیب قالگن حلقه لرگه اؤخشب کیته دی .بو حلقه لرنی، ینه یه شش 

 زنجیریگه باغلاوچی قانونیتلر بار . بو قانونیت - منگو قیته له نیش ،

 توره و یسا سیدیر...تقدیر ایسه انه شو قانونلرگه بؤی سؤنمسدن علاجی یؤق .

مکتب- برچه ییرده مکتب.اؤرگنیش، اؤقیش،اؤقیتیش، بیشیگی. بیر یریم مینگ چاغلیق باله

اوقیی یاتگن کتته بیرمکتبده  توردی بیک نینگ  اؤرتنچی اؤغلی طاهرهم تعلیم آله دی .

آدم ذات اّمید بیلن یشه دی.« بیر کون حاصلگه کیله دی، میوه بیره دی»- دیب انسان ییرگه

 کؤچت قده یدی .  باشقه تاماندن بو نهالنی قتیق بوران ضربه لری سیندیریب یوباریشی هم

ممکن . طاهر بیک نینگ منگلییده  نیمه لر یازیب قؤییلگنینی هیچ کیم بیلمیدی . لیکن،ایپچیل،

اؤقیشلری هم یامان ایمس .مکتب اداره سیگه اولسواللیکدن  جرنگیللب تیلیفون کیلدی .

مکتب مدیری تیلفون نینگ   قاره گوشگنی قولاغیگه توتیب :

- لبی،ایشیته من،-حاکم گپیره یاتگنینی انگلب،-بویرینگ،بویرینگ صاحب،- دیه تکلّف قیلیب،

اولسوال بیلن سؤزلشدی تیلفونده :

- توردی بیک اؤغلی پیلوت هاشم قندهارده مشق پروازلری دوامیده هوایی فلاکت عاقبتیده

هلاک بؤلگن . اوچوچی هاشم نینگ  اوچاغی قندهار تاغلریدن بیریگه باریب اوریلگن .

دولت نماینده لری، وزیرلر، جنراللرهلو کوپترده جنازه نی ایرته گه  مرحوم نینگ اوییگه

 آلیب کیله دیلر. ولایت والیسی هم تشریف بویره دی .سیزبؤلسه، تیپه قیشلاققه 

مرحوم نینگ  اوییگه خبر جؤنه تینگ. معلملر ومکتب باله لرینی هم دفن مراسمیگه آلیب

چیقینگ. یؤقاریدن شونده ی بویروق بؤلگن،توشونرلیمی- دیدی شهرحاکمی مکتب مدیریگه .

- خوب بؤله دی،- دیه گؤشگنی تیلیفونگه قؤیدی مکتب مدیری جؤره قل .

 جره قل مدیر،درّو طاهرنی  آلتینچی صنفدن چقیرتیریب ، بیراؤقیتوچی وملازمنی قؤشیب 

 تیپه قیشلاققه یوباردی ...

ایرته سی مینگ- مینگ لب کتته- کیچیک  تعزیه مراسیمیگه ییغیلیشدی . قاره تابوتنی

هلوکوپتردن توشوریب، تیپه قیشلاققه آلیب کیلدیلر، مرحوم هاشم جسدی حویلی نینگ

 اؤرته سیده ایدی  ... عیال- ایرکک نینگ ییغیسی  ییر وآسماننی لرزه گه سالدی ...

قبر باشیده هاشم نینگ حیات نامه سی  اؤقیلدی . اوچ کیشی آتشین نطق قیلدیلر.

او بویوک استعداد ایگه سی ایکنی تیلگه آلینیب،اونینگ فاجعه لی اؤلیمیگه افسوسلرقیلیندی .

شهیدنی قاره ییرگه قؤییب کتته یؤلگه کوزه تدیلر.

اؤشه کونی عامه وی اطلاعات واسطه لری مذکور واقعه نی باشقچه  یاریتدیلر. اوچوچی 

 مرحوم  هاشم نینگ  اؤرتاقلری طیاره هلاکتینی تن آلیشیب، بوماجرا لرآرتیده کیم نینگ دور

سیزیلمس قؤلی بار؛پلان ایلگریدن توزیب قؤییللگن...،دیب -معلومات بیردیلر.مکتب مدیری

جؤره قل  مرحوم نینگ اؤرتاقلریگه «ایغاقچیلرشو آره ده یوریبدی،احتیاط بؤلینگ »- دیب

سیکین توشونتیریش قیلدی .

2008- ینچی ییل 19- ینچی جولای

کانادا  

 

 

ارسال در تاريخ 2008/8/20 توسط ایشانج
.: Weblog Themes By Blog Skin :.

اسلایدر